බිරිඳගේ කොවිඩ් රාජකාරිවල උදව්වට ගිය සැමියා ඇද වැ’ටී මි’යයයි

0

මල්වානේ කළුකොඳයාව ප‍්‍රදේශයේ කොවිඩ් සහන රාජකාරි කටයුතු සඳහා සහාය වෙමින් සිටි එහි සංවර්ධන නිලධාරිනියගේ සැමියා පෙරේදා (24 දා) පස්වරුවේ දොම්පේ ඉන්ධන පිරවුම්හල අසල දී හදිසියේම ඇද වැටී  මි’ය ගොස් තිබේ.

මොහු එම රාජකාරි කටයුතුවලට සහාය වෙමින් සිට සිය ති‍්‍රරෝද රථයට ඉන්ධන ලබා ගැනීමට පැමිණි  අවස්ථාවේ මෙසේ ඇද වැටී මි’ය ගොස් ඇත. එසේ මි’ය ගියේ දෙකටන, ගැටහැත්ත ප‍්‍රදේශයේ පදිංචිව සිටි විශ‍්‍රාමික යුද හමුදා නිලධාරියෙකු වන 49 හැවිරිදි එක්දරු පියෙකි.

මොහු කළුකොඳයාව – බටහිර සංවර්ධන නිලධාරිනියකගේ සැමියා වන අතර ඇය සමග රාජකාරී කටයුතුවලට සහාය වෙමින් සිටි බව කියති.

මේ පිළිබඳ ම’රණ පරීක්ෂණය දොම්පේ හදිසි ම’රණ පරීක්ෂක ජගත් ශ‍්‍රී ලාල් මහතා විසින් දොම්පේ රජයේ රෝහලේදී පවත්වන ලද අතර පශ්චාත් ම’රණ පරීක්ෂණය වතුපිටිවල රජයේ රෝහලේ වෛද්‍ය නිලධාරී රමේෂ් අලගියවන්න මහතා විසින් පවත්වා මෙය හෘ’දයාබාධයකින් සිදුවූ ම’රණයක් බවට වාර්තා කරන ලදී.

දොම්පේ පොලිසියේ පො.කො. රංජිත් මහතා විසින් සාක්‍ෂි මෙහෙයවනු ලැබීය. මෙහිදී ඉදිරිපත් වූ සාක්‍ෂි හා වෛද්‍ය වාර්තාව අනුව හදිසි ම’රණ පරීක්ෂකවරයා විසින් එම ම’රණය ස්වභාවික ම’රණයක් බවට නිගමනය කළේය.

දෙල්ගොඩ – ඩබ්ලිව්. ඞී. විතාන හා බියගම – සුදත් පුබුදු කීර්ති කිරි`දිවැල සෝමපාල නැලිගම (දිවයින)

LEAVE A REPLY

Please enter your comment!
Please enter your name here