නව කැලණි පාලම් ව්‍යාපෘතියට භූගත ස්වයංක්‍රීය ජලනල පද්ධතියක් මඟින් පරිසරයට ගැලපෙන ශාක හිටවන්න උපදෙස්.

0

ශ්‍රි ලංකාවේ ප්‍රථමවරට අධිතාක්ෂණික කේබල් මතින් ඉදිවන නව කැළණි පාලම් ව්‍යාපෘතියේ කැළණි තිස්ස වටරවුම ආශ්‍රිත භූමිය සහ නව කැළණි පාලමේ කෙලවරේ සිට ඔරුගොඩවත්ත මංසදිය දක්වා මාර්ගය දෙපසත් අලංකාර කිරිම සදහා ජාතික උද්භිත උද්‍යාන නිලධාරීන් විසින් නිර්දේශ කරන ලද ශාක ප්‍රභේද රෝපණය කරන ලෙස ආණ්ඩු පක්ෂයේ ප්‍රධාන සංවිධායක, මහාමාර්ග අමාත්‍ය ජොන්ස්ටන් ප්‍රනාන්දු මහතා උපදෙස් ලබා දෙන ලදී.

ඒ අනුව කොබෝ නීල, ඇහැල, මැයි මාර, රොබරෝසියා, කහ මාර, රත්මල්, මී, කුඹුක්, නා, අරලිය, මගුල් කරද, නුග සහ මුරුත යනාදී ශාක රෝපණය කිරිමට ජාතික උද්භිත උද්‍යාන නිලධාරීන් විසින් යෝජනා කරන ලදී.

මෙසේ රෝපණය කරන ශාක වෙත ජලය සැපයීම සදහා භුගත ස්වයංක්‍රීය ජල නල පද්ධතියක් කඩිනමින් ඉදිකරන ලෙසද මෙහිදී අමාත්‍යවරයා ව්‍යාපෘති අධ්‍යක්ෂිකාවට උපදෙස් ලබා දෙන ලදී.

අමාත්‍යවරයා මේ අදහස් පල කලේ එළඹෙන සැප්තැම්බර් මස අවසාන වන විට ජනතා අයිතියට පත් කිරිමට නියමිත නව කැළණි පාලම් ව්‍යාපෘතියේ භූමිය අලංකරණය කල යුතු ආකාරය පිළිබදව Zoom තාක්ෂණය ඔස්සේ පැවති රැස්වීමට සහභාගි වෙමිනි. මෙම රැස්වීම 2021-08-29 වන අද දින පැවැත්විනි.

මේ අවස්ථාවට මහාමාර්ග අමාත්‍යාංශයේ ලේකම් ආර්.ඩබ්ලිව්.ආර්.පේමසිරි මහතා, මාර්ග සංවර්ධන අධිකාරියේ සභාපති චමින්ද අතලුවගේ මහතා, ව්‍යාපෘති අධ්‍යක්ෂිකා දර්ෂිකා ජයසේකර මහත්මිය ඇතුළු නිලධාරීන් පිරිසක් සහභාගී විය.

පැල සිටවූ පසු දිස්වෙන අයුරු ඡායාරූප මගින් දැක්වේ.

 

LEAVE A REPLY

Please enter your comment!
Please enter your name here