හෙට දින පෙ.ව.9.00 දක්වා කොළඹ – නුවර මාර්ගයේ පහළ කඩුගන්නාව ප්‍රදේශය තවදුරටත් වසා තැබේ.

0

කොළඹ – නුවර මාර්ගයේ 98 වන කිලෝමීටරයේ පහළ කඩුගන්නාව ප්‍රදේශයේ මාර්ගයට පස් කඳු කඩා වැටීමේ තත්ත්වයක් උද්ගතවී ඇති අතර දැනට මේ සම්බන්ධව ජාතික ගොඩනැගිලි පර්යේෂණ සංවිධානය හා මාර්ග සංවර්ධන අධිකාරිය එක්ව ‍ක්ෂේත්‍ර පරීක්ෂාවක් සිදුකර මාර්ග ආරක්ෂාව තහවුරු කිරීමට අවශ්‍ය පියවර ගනිමින් සිටී.

දැනට පවතින අයහපත් කාළගුණික තත්ත්වය නිසා වසා ඇති කොළඹ – නුවර මාර්ගයේ 98 වන කිලෝමීටරයේ පහළ කඩුගන්නාව කොටස තවදුරටත් 2021-11-12 වන (හෙට) දින පෙ.ව. 9.00 දක්වා වසා තැබේ.

එම නිසා සිදුවන මාර්ග අවහිරතා වළක්වා ගැනීමට පහත සදහන් විකල්ප මාර්ග භාවිතා කළ හැකි අතර ඒ සඳහා අවශ්‍ය මග පෙන්වීම් ශ්‍රී ලංකා පොලීසිය සහ මාර්ග සංවර්ධන අධිකාරිය මගින් සිදුකරනු ලබයි.

කොලඹ සිට මහනුවරට පැමිණෙන රථවාහන සදහා විකල්ප ලෙස

1. අඹේපුස්ස හරහා කුරුණෑගලට පැමිණ ගලගෙදර – කටුගස්තොට හරහා මහනුවර
2. කෑගල්ල සිට පොල්ගහවෙලට පැමිණ කුරුණෑගල ඉන් අනතුරුව ගලගෙදර කටුගස්තොට හරහා මහනුවර
3. මාවනැල්ල සිට රඹුක්කන – හතරලියැද්ද – ගලගෙදර කටුගස්තොට හරහා මහනුවර.
4. මාවනැල්ල සිට හෙම්මාතගමට පැමිණ ගම්පොල – පේරාදෙණිය මහනුවර

යන මාර්ග භාවිතා කලහැකි බව මාර්ග සංවර්ධන අධිකාරියේ අධ්‍යක්ෂ ජනරාල් සදහන් කරයි.

මහනුවර සිට කොලඹට ගමන් කරන රථවාහන සදහා විකල්ප මාර්ග ලෙස

1. කටුගස්තොට ගලගෙදර සිට කුරුණෑගලට පැමිණ කොලඹ දක්වා
2. කටුගස්තොට – ගලගෙදර – රඹුක්කනට පැමිණ කොලඹ නුවර ප්‍රධාන මාර්ගයට පැමිණ කොලඹ

යන මාර්ග භාවිතා කල හැකිබව මාර්ග සංවර්ධන අධිකාරියේ අධ්‍යක්ෂ ජනරාල් සර්ධා වීරකෝන් මහතා වැඩිදුරටත් පවසයි

තවද, පවතින කාලගුණික තත්ත්වය අනුව මාර්ගය භාවිතා කිරීම සම්බන්ධව මාර්ගෝපදේශ ලබාදීමට කටයුතු සිදුකරනු ලබන අතර, ජාතික ගොඩනැගිලි පර්යේෂණ සංවිධානයෙහි උපදෙස් මත මාර්ග සංවර්ධන අධිකාරිය මගින් මෙම මාර්ගයෙහි ආරක්ෂාව තවදුරටත් තහවුරු කරගැනීම සඳහා අවශ්‍ය ස්ථිර විසඳුම් ක්‍රියාත්මක කිරීමට අවශය පියවර ඉදිරියේදී ගන්නා බව අධ්‍යක්ෂ ජනරාල් දන්වා සිටියි.

LEAVE A REPLY

Please enter your comment!
Please enter your name here