අම්මා දූලා දෙන්නගේ පොලී සල්ලි ඉල්ලා දේවාලෙට විසිදාහක් පුදලා

0

තම දියණියන් දෙදෙනා තමාගෙන් ණයට ගත් පොලී මුදල් ආපසු ලබා ගැනීමට ගුරුකමක් කර දෙන ලෙස ඉල්ලා කෑගල්ල ප්‍රදේශයේ දේවාලයකට රුපියල් විසිදහසක් සමග පලතුරු වට්ටියක් පූජා කළ වියපත් මවක පිළිබඳ පුවතක් කෑගල්ල ප්‍රදේශයෙන් වාර්තා වෙයි.

වාර්තා වන අන්දමට සිද්ධිය මෙසේය.

කෑගල්ල ප්‍රදේශයේ ගමක 73 හැවිරිදි සිව් දරු මවක් තම බාල එකම පිරිමි දරුවා සමග මහ ගෙදර නිවසේ පදිංචිව සිටින්නීය. මෙම මවගේ සැමියා කලකට ඉහතදී මිය ගොසිණි. ඇයට ගැහැනු දරුවන් දෙදෙනෙක් හා එක් පිරිමි දරුවෙක් සිටිති. ගැහැනු දරුවන් දෙදෙනා පවුලේ වැඩිමලුන්ය. ඔවුහු විවාහ වී පොල්ගහවෙල හා බුලත්කොහුපිටිය ප්‍රදේශයේ පදිංචිව සිටිති.

මෙම වියපත් මවට ගොඩ මඩ ඉඩම් හා මිල මුදලින් අඩුවක් නැත. මෙම ගොඩ මඩ ඉඩම් හා මිල මුදල් සිය සැමියා මිය යෑමෙන් පසුව උරුම වූවක් බව වාර්තා වෙයි. කොපමණ දේපළ මිල මුදල් තිබුණත් ඇය කලක සිට සියයට දහයක පොලී පදනම මත ඕනෑම මුදලක් දන්නා හඳුනන ඕනෑම කෙනෙකුට ක්ෂණිකව ලබා දෙන්නීය.

පොල්ගහවෙල පදිංචි දියණිය මීට මාස 9 ට පමණ ඉහතදී රුපියල් ලක්ෂ දෙකක මුදලක් හදිසියේ පොලී පදනම මත මාස කිහිපයකින් ආපසු ගෙනත් දෙන බව පවසා මවගෙන් ඉල්ලාගෙන ගියාය. බුලත්කොහුපිටිය ප්‍රදේශයේ පදිංචි දියණියත් මීට මාස හතරකට ඉහතදී රුපියල් ලක්ෂයක් එලෙස ඉල්ලාගෙන ගියාය.

සල්ලිත් පොලී මුදලත් නියමිත කාලයට ආපසු ගෙනත් නොදුන් අවස්ථාවේ දී මව අවස්ථා කිහිපයකදීම දියණියන්ගේ දුරකථනවලට කතා කර ඒ සම්බන්ධයෙන් විමසීමක් ද කළාය. එහිදී දියණියන් දෙදෙනාම මේ දිනවල දරුවන් සමග ජීවත් වීමේ අ’මාරුකම් පවසා ඇත.

පසුව වියපත් මව ඉකුත් දිනකදී කෑගල්ල ප්‍රදේශයේ දේවාලයකට ගොස් දියණියන් දෙදෙනා මුදල් ආපසු ගෙනත් දේවිද යන්න පිළිබඳව නිමිත්තක් බැලු‍වාය.එහිදී කපුවා වියපත් මවට ප්‍රකාශ කර ඇත්තේ වරු තුනකින් මුදල් ආපසු ගෙන්වා දිය හැකි බවත් එලෙස ගෙන්වා දීමට පලතුරු වට්ටියක් සමග දියණියන් දෙදෙනාගේ නම් දෙක ලියන ලද කොළ කැබැල්ලක් සහ මුදලින් රුපියල් 20 000 ක් තබා පූජාවක් පවත්වන ලෙසය.

වියපත් මව පසුදාම කපුවා කී ආකාරයට පූජාවක් පවත්වා ඇති බවත් පූජාව පවත්වා සතියක් ගතවී ඇතත් දියණියන් දෙදෙනා මුදල් ආපසු ලබාදී නොමැති වීම හේතුවෙන් මේ වන විට දැඩි කනස්සල්ලෙන් පසු වන බවත් වාර්තා වෙයි.

උඋපුටාගැනීම – ( කෑගල්ල අධිකරණ චමින්ද වැවතැන්න – ලංකාදීප )

LEAVE A REPLY

Please enter your comment!
Please enter your name here