බස් එක හැරවන්න කිව්වෙ නෑ…පියුමිලට ඇඳුම් ගන්න දුන්න විතරයි

0

කොළඹ ෂැංග්‍රිලා හෝටලයේ පැවති උපන්දින සාදයට සම්බන්ධව අත්අඩංගුවට ගත් පිරිස නිරෝධායනය සඳහා යොමු කිරීමේදී එම පිරිස
රැගත් බස් රථය ආපසු හැරවීම සම්බන්ධයෙන් සමාජ මාධ්‍ය තුල ප්‍රචාරණය වන ව්‍යාජ පුවතක් සම්බන්ධයෙන් මහජන ආරක්ෂක්ෂාව භාර අමාත්‍ය රියර් අද්මිරාල් සරත් වීරසේස්කරගේ මාධ්‍ය ලේකම්වරයා විසින් පැහැදිලි කිරීමක් සිදුකර තිබෙනවා.

මෙම සිදුවීමට අදාළ පිරිස් නිරෝධායනය වෙත යොමු කිරීමෙන් පසු අදාළ පුද්ගලයින්ගේ නීතිඥවරයෙකු විසින් අමාත්‍යවරයාට දුරකථන ඇමතුමක් ලබා දී සිය සේවාදායකයින් බදුල්ල ප්‍රදේශයේ නිරෝධායන මධ්‍යස්ථානයක් වෙත ගෙන
යන බවත් ඔවුන් සතුව මුලික අවශ්‍යතා පවා නොමැති බවට දැනුම් දී තිබෙනවා.

මේ අතර අමාත්‍යවරයාට කාන්තාවක් දුරකථන ඇමතුමක් ලබාදී තමා පියුමි හංසමාලි බවත්,තමන් ඇතුළු කණ්ඩායමක් ඇදන් සිටින ඇඳුම පිටින්ම නිරෝධායනය සඳහා බදුල්ල ප්‍රදේශයට
රැගෙන යන බවත් සඳහන්කරමිත්තම ඇතුළු පිරිසට ඇඳුම් ආදිය රැගෙන යාමට අවස්ථාවක් ලබාදෙන ලෙස අමාත්‍යවරයාගෙන් ඉල්ලීමක් කර තිබෙනවා.

ඉන්පසුව චන්දිමාල්ජයසිංහ යන අයද
අමාත්‍යවරයාට දුරකථන ඇමතුමක් ලබාදී මෙය සනාථ කර ඇත.ඉන් අනතුරුව අමාත්‍යවරයා විසින් පොලිස්පති සහ බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පතිවරයා වෙත දැනුම් දීමක් සිදුකර ඔවුන්ව තලංගම පොලිස් ස්ථානය වෙත රැගෙන
ගොස් ඔවුන් බස් රථයේ සිටියදීම අදාල ඉල්ලීම පරිදි ඔවුන්ගේ නිවෙස්වලින් අවශ්‍ය ඇඳුම් ඇතුළු සුබසාධක ද්‍රව්‍ය ගෙනදීමට අවස්ථාවක් සලසාදීමෙන් පසු ඔවුන්ව නිරෝධායන මධ්‍යස්ථානය වෙත
යැවීමට පියවර ගෙන ඇත.

මෙහිදී කිසිදු අවස්ථාවක බරථය හරවන ලෙස හෝ නිරෝධායනයට ලක්විය යුතු පිරිස් නිරෝධායනයට ලක් නොකරන ලෙස අමාත්‍යවරයා විසින් උපදෙස් හෝ නියෝගයක් ලබාදී නොමැති බව සදහන්.

නමුත් පියුමි හංසමාලි සමාජ ජාල තුල සටහනක් තබමින් සදහන් කරන්නේ තමාගේ ඇදුම් බෑගය නිරෝධායන මධ්‍යස්ථානයට ගෙනවිත් දුන්නේ තමා
හිතවත් දොස්තර මහතෙකු බවයි.

LEAVE A REPLY

Please enter your comment!
Please enter your name here