ජාතික රෝහලෙන් කොවිඩ් ​රෝගීන් 200ක්..සියයට 50කට ඔක්සිජන් අපහසුතා

0

කොළඹ ජාතික රෝහලෙන් ඊයේ (19 වැනිදා) දිනයේදී කොවිඩ් රෝගීන් 200ක් වාර්තා වී ඇති අතර ඉන් සියයට 50කට ඔක්සිජන් මත යැපීමට සිදුව ඇතැයි ජාතික රෝහලේ කා යික රෝග විශේෂඥ වෛද්‍ය උපුල් දිසානායක සඳහන් කරයි.

මීට සති දෙකකට පෙර කොළඹ ජාතික රෝහල තුළ කොවිඩ් ආසාදිත රෝගීන් 100 කු ප්‍රතිකාර ලැබූවද ඊයේ දිනයේ වන විට එම ප්‍රමාණය 200 දක්වා ඉහළ ගොස් ඇතැයි ඔහු පෙන්වා දේ.

ජාතික රෝහල තුළ කොවිඩ් ආසාදිත රෝගින්ට වැලඳී ඇති ප්‍රභේදය කුමක්ද යන්න නිවැරදිව නොදන්නා නමුත් ලොව පුරා දත්ත වාර්තාවන්ට අනුව ඩෙල්ටා ප්‍රභේදය සීග්‍රයෙන් පැතිර යාම, සංකූලතාවන් වැඩිවීම හා ම රණ සංඛ්‍යාව වැඩි කිරීමට සමත් වන බව විශේෂඥවරයා සඳහන් කරයි.

මුව ආවරණය එළිමහනේ භාවිත කරනවාට වඩා වායුසමීකරණය කරන ලද කාමර තුළ හෝ කුඩා කාමර තුළ භාවිත කිරීම ඉතාමත් වැදගත් බවත් යම් පුද්ගලයෙකු කොවිඩ් වයිරසයට වැඩි වශයෙන් අසාදනය වන්නේ එළිමහනේදී නොව තම සමීපතයන් සමග එකට කන බොන අවස්ථාවලදී යැයි විශේෂඥවරයා අනාවරණය කරයි.

(ශ්‍රියානි විජේසිංහ – අරුණ )

LEAVE A REPLY

Please enter your comment!
Please enter your name here