ගුරු වැටුප් වැඩිවීම අයවැයෙන්..සමස්ත රාජ්‍ය සේවයේම වැටුප් වැඩිවන ලකුණු

0

ගුරු- විදුහල්පති වැටුප් විෂමතාවය විසඳීම ලබන අයවැයෙන් සිදුකිරීම සඳහා අවධානය යොමු කිරීමට ඇමැති මණ්ඩලය ඊ​යේ (26 වැනිදා) රාත්‍රියේ තීරණය කළේය.

ජනාධිපති ගෝඨාභය රාජපක්ෂගේ ප්‍රධානත්වයෙන් සූම් තාක්ෂණය ඔස්සේ ඇමැති මණ්ඩල රැස්වීම පැවැත්විණි.

ගුරු විදුහල්පති වැටුප් වැඩිකිරීමට සුදුසු බවට ඇමැති මණ්ඩල එකඟතාව පළ වුව ද ඒ පිළිබඳව ගුරු සංගම් සමග අද (27 වැනිදා) දිනයේ විශේෂ සාකච්ඡාවක් පැවැත්වීමට ද තීන්දු කෙරුණි.

අගමැති මහින්ද රාජපක්ෂගේ ප්‍රධානත්වයෙන් අරලියගහ මන්දිර​යේදී සාකච්ඡාව පැවැත්වීමට නියමිතය.මහාචාර්ය ජී.එල්. පීරිස්, රමේෂ් පතිරණ, උදය ගම්මන්පිල, බන්දුල ගුණවර්ධන, ගාමිණි ලොකුගේ, විමල් වීරවංශ යන අමාත්‍යවරුන් ද ඊට එක්වීමට නියමිතය.

මේ සම්බන්ධයෙන් මුදල් අමාත්‍යාංශයේ නිරීක්ෂණ ලබාගැනීමට ද තීන්දු විය.සමස්ත රාජ්‍ය සේවයේම වැටුප් වැඩිවීමක් සම්බන්ධයෙන් සාකච්ඡාවක් ආරම්භ කර ඇති බව ද මුදල් ඇමැති බැසිල් රාජපක්ෂ ඇමැති මණ්ඩලයට දැනුම් දී තිබේ.

එය අයවැයෙන් සිදුකිරීමට අපේක්ෂා කරන බව ද ඔහු අනාවරණය කළේය.

LEAVE A REPLY

Please enter your comment!
Please enter your name here