වසර 27 කට පසු ලංකාවෙ හදපු අශෝක් ලේලන්ඩ් සුපිරි බස් සහ ට්‍රක් පාරට දාන්න සූදානම්.

0

1994 සිට ක්‍රියාත්මක නොවූ ලංකා අශෝක් ලේලන්ඩ් සමාගමේ හෝමාගම, ජල්තර පිහිටි වාහන එකලස් කිරීමේ කර්මාන්ත ශාලාව වසර 27කට පසු යළි වැඩ අරඹා තිබේ.

ලංකා අශෝක් ලේලන්ඩ් සමාගමේ කොටස් හිමිකාරීත්වය බෙදී ඇත්තේ ඉන්දියාවට 28%ක් සහ ශ්‍රී ලංකාවට 72% ක් ලෙස ය. ඉන් 30%ක් දේශීය කොටස් හිමිකරුවන් සතුව පවතින අතර කර්මාන්ත අමාත්‍යංශය යටතේ පවතින ලංකා ලේලන්ඩ් රාජ්‍ය සමාගමට ඉතිරි 42% හිමිව තිබේ. 1994 දක්වා බස්, ලොරි ඇතුළු වාහන මෙරට තුළදී එකලස් කිරීම සිදු කෙරුණු අතර මෙරට තුළදී එකලස් කිරීමට වඩා ඉන්දියාවෙන් සම්පූර්ණයෙන් අශෝක් ලේලන්ඩ් වාහන ආනයනය කිරීම ලාභදායක වන තත්වයක් නිර්මාණය වී තිබුණු හෙයින් එම සමාගම 1994දී සිය වාහන එකලස් කිරීමේ කටයුතු නවතා තිබිණි.

මෙරට වාහන නිපදවීම, වාහන එකලස් කිරීම හා වාහන අමතර උපාංග නිපදවීමේ කර්මාන්තයන් පිළිබඳ සම්මත මෙහෙයුම් පටිපාටියක් (SOP) ජනගත කිරීමත් සමග මෙරට වාහන එකලස් කිරීමේ කර්මාන්තයට දේශීය අගය එකතු කිරීමේ ප්‍රතිශතයට සාපේක්ෂව බදු සහන ලැබෙන බවත් එමගින් ලංකා අශෝක් ලේලන්ඩ් සමාගමට වාහන ආනයනය සීමා කොට සිය වාහන එකලස් කිරීමේ කර්මාන්ත ශාලාව විවෘත කර මෙරට තුළ වාහන ලාභදායීව එකලස් කිරීමේ ඉඩකඩ නිර්මාණය වී තිබෙනවා.

ඉහත කී සම්මත මෙහෙයුම් පටිපාටිය (SOP) තුළින් වාහන එකලස් කිරීමේ හා වාහන අමතර උපාංග නිපදවීමේ කර්මාන්තයන් සඳහා ලබා දී ඇති බදු සහන සහ වෙළඳපොළ අවස්ථා යොදා ගනිමින් ලංකා අශෝක් ලේලන්ඩ් සමාගම ඉදිරි වසර කිහිපය තුළ මෙරට තාක්ෂණ හා ඉංජිනේරු ක්ෂේත්‍රයේ උපාධිධාරීන්ට නව රැකියා අවස්ථාවන් උදාකර දෙන, වාහන දහස් ගණනින් මෙරට තුළදීම එකලස් කරන හා වාහන අමතර කොටස් ද මෙරට තුළදීම නිපදවනු ඇත.

එසේ ම දකුණු ආසියානු කලාපයේ නිදහස් වෙළෙඳ ගිවිසුම් උපයෝගී කොටගෙන වාහන අපනයනය වෙත ද පිවිසීමටත් පාරිභෝගික අවශ්‍යතා මත සාමාන්‍ය බස්, ලොරි පමණක් නොව කසළ ලොරි, වතුර බවුසර, කොන්ක්‍රීට් මිශ්‍රණ ප්‍රවාහනය කෙරෙන ට්‍රක් රථ ආදී ලෙසින් විශේෂීකරණය කළ රථ වාහන ද මෙරට වෙළඳපොළට නිකුත් කිරීමේ අවකාශය දැන් නිර්මාණය වී ඇති බව ද සඳහන්.

LEAVE A REPLY

Please enter your comment!
Please enter your name here