වසර 18කට පසු රාහු කේතු හරි මගට එද්දි ඔබේ ලග්නයට කොහොමද ?

0
1138

රාහු, කේතු, සෙන­සුරු, කුජ යන නම් ඇසූ පම­ණින් ජන­තාව බිය වන සුලුය. සැබ­වින්ම ඒ අය පීඩිත ජන­තාව තව තවත් පීඩා­වට පත් කරන බව රහ­සක් නොවේ. එයි­නුත් වැඩි කාල­යක් එක රාශි­යක හැසි­රීම නිසා මේ පීඩාව ඉතා හොඳින් දැනෙනු ඇත. සෙන­සුරු එක රාශි­යක වසර 2 1/2ක් බැගින් රාශි දොළස අව­සන් කර නියම තැනට ඒමට වසර 30ක් ගත වෙයි. රාහු සහ කේතු එක රාශි­යක ගත කරන කාලය වසර 1 1/2 බැගින් රාශි දොළස අව­සන් කිරී­මට වසර 18ක් ගත වෙයි. මේ නිසාම හොඳ හෝ නරක කෙන­කුට වැඩි කාල­යක් පුරා අත්වි­ඳී­මට සල­සන මේ ග්‍රහ­යන් ජන­තා­වට අම­තක නොවන සනි­ටු­හන් තබා යන බව ජ්‍යොති­ෂය අනු­ග­ම­නය කරන අයට වැට­හෙනු ඇත.

රාහු -කේතු අන් ග්‍රහ­යන් මෙන් නොව අදෘ­ෂ්‍ය­මාන ඡායා ග්‍රහයෝ ය. පෘථි­විය සූර්යයා වටා ගමන් කරන ‍අතරේ චන්ද්‍රයා තමා වටා භ්‍රම­ණය වෙමින් පෘථි­විය වටා ගමන් කර­මින්ම සූර්යයා වටා ද ගමන් කරයි. මේ ක්‍රියා­ව­ලි­යේදි පෘථිවි කක්ෂ‍යත් චන්ද්‍ර කක්ෂ­යත් එකි­නෙ­කට කැපී යන ස්ථාන දෙකක් ඇති­වෙයි. ඒ ස්ථාන දෙක පිළි­වෙ­ළින් උතුරු ලක්ෂය රාහු ලෙසත් දකුණු ලක්ෂය කේතු ලෙසත් හඳු­න්වනු ලබයි. මෙහි කැපී පෙනෙන ස්ථාන දෙක හෙවත් රාහු කේතු එකි­නෙකා සප්ත­මව පිහිටා ඇත. මේ ගමන වක්‍රව කෙරෙ­න්නකි. ඒ නිසා රාහු කේතු ඔවු­නො­වුන්ට අංශක 180 කින් ඈත් ව සිටී.

රාහු සහ කේතු දින­කට අංශක 3 කලා 11ක් ගමන් කරයි. වර්ෂ­ය­කට අංශක 19 කලා 20 කි. රාහු හා කේතුට එක් රාශි­යක් ගමන් කිරී­මට ගත වන කාලය මාස 18කි. රාශි චක්‍රය වටා ගමන් කිරී­මට ගත වන කාලය වසර 18කි. ඒ නිසා රාහු කේතු ජන­තා­වට කරන පීඩාව හෝ යහ­පත හොඳින් දැනෙනු ඇත.

ස්වර­භාග, අසුර, අර්ධ­කාය, චිත්‍ර නන්දන, චන්ද්‍රා­දිත්‍ය, රෞද්‍ර­රූපී, රක්ත නේන්ද්‍ර රහු හඳු­න්වන නම් වන අතර මෘත්‍යු පුත්‍ර, අහල, ධුම, ශිඛි, කේතු හඳු­න්වන පර්යාය නාම­යන් ය.

මහා ඍෂි මත­යට අනුව රාහු වෘෂ­භයේ උච්චය කට­කයේ මූල ත්‍රිකෝ­ණය, කන්‍යාවේ ස්වක්ශේ­ත්‍රය වෘශ්චික කේතුගේ උච්ච රාශි­යයි. මිථුන මූල ත්‍රිකෝණ රාශිය වන අතර ධනු මීණ ස්වක්ෂේත්‍ර රාශි­යයි. රාහුට මනුෂ්‍ය ශරී­ර­යක් හා හිස නයි පෙනෙ­යක ස්වරූ­ප­යෙන් ද කේතුට මනුෂ්‍ය ශරී­ර­යක් හා ඉනෙන් පහළ සර්ප කඳක් ද පිහිටා තිබී­මෙන්ම ජන­තාව අතර අසු­බ­වාදී දෘෂ්ටියක් ගෙන­හැර දක්වා තිබීම ම මේ ග්‍රහ­යන් පිළි­බඳ බිය උප­ද­වන සුලු වෙයි.

ඒ කෙසේ වෙතත් රාහු කේතු පිළි­බඳ විවිධ මත පළ කළ හැකි වුව ද 2020 සැප්තැ­ම්බර් 23 දින පෙර­වරු 10.43ට රාහු වෘෂභ රාශි­ය­ටත් කේතු වෘශ්චික රාශි­ය­ටත් සංක්‍ර­ම­ණය විය. රාහුට වඩා කේතු අංශක 180 ක දුරින් පිහිටි නිසා සැම විටම කේන්ද්‍ර­ගත වීමේදී රාහුත් ඍජු දෘෂ්ටි­යක එනම් ඊටම ප්‍රති­වි­රුද්ධ රාශියේ පිහි­ටයි. මේ අනුව රාහුට උච්ච ස්ථානය කේතුට නීචව ද කේතුට උච්ච ස්ථානය රාහුට නීච­වද විද්‍ය­මාන වේ. ඒ අනුව වූ රාහු වෘෂ­භ­ය­ටත් කේතු වෘශ්චි­ක­ය­ටත් සංක්‍ර­ම­ණය වූ මේ මොහොත අපට ලග්න වශ­යෙන් බල­පාන අයුරු සලකා බලමු. විශේ­ෂ­යෙන් ම රාහු කේතු සෙන­සුරු කුජ ඍජු­වම පීඩිත ජන­තා­වට බල­පාන දුකට, එසේත් නැති­නම් අග­ති­යට පත් ‍කෙරෙන නපුරු අසු­බ­වාදී ග්‍රහ­යන් ලෙස හැඳි­න්වූ­වද මෙවර උච්ච වන රාහු කේතු රට ජන­තා­වට බල­පාන ආකා­රය සතු­ටු­දා­යක වෙයි. මීට පෙර පීඩා­කාරි ලෙස හැසි­රුණු රාහු කේතු නිසා අප රටේ ව්‍යස­න­කාරි පරි­ස­ර­යක් ගොඩ­නැ­ඟුණි. වසං­ගත උව­දුරු, රාජ්‍ය­තා­න්ත්‍රික අවුල් විය­වුල්, පාරි­ස­රික ව්‍යසන, අස­ම­ගිතා ඇතුළු නොමනා දේ සිදු­විය. විශේ­ෂ­යෙන්ම මත්කුඩු – මත් උව­දුරු – පාතාල – අවි­හ­රඹ එදි­රි­වා­දි­කම් අවි­නී­තික කට­යුතු ද පරි­සර විනා­ශ­යන් ද බොහෝ සිදු­ව­නවා අපි දුටිමු. එහෙත් අද ඒ සැම අව­සන් කර­න්නට මෙන් රාහු, කේතු මෙතැන් සිට යහ­පත් ගම­නක් අරඹා ඇතැයි සිතී­මට පුළු­වන. ඒ අනුව අපි එකි­නෙක ලග්න­ව­ලට බල­පාන අයුරු සලකා බලමු. සංක්‍ර­ම­ණ­යෙන් රාහු කේතු 2039 අප්‍රේල් 30 දක්වා පවතී.

මේෂ ලග්නය හිමි ඔබගේ කේන්ද්‍ර­යට අනුව රාහු 02 වැන්න­ටත් කේතු 08 වැන්න­ටත් පැමිණ ඇති නිසා විටින් විට ආර්ථික පීඩා අව­හි­රතා පැමි­ණෙනු ඇත. ශරීර සෞඛ්‍යය ද අය­හ­පත් වීමට ඉඩ ඇත්තේ 8 වැන්න වන අසුබ ස්ථානයේ කේතු පීඩා­වක් සිදු­විය හැකි නිසාය. ඒ අනුව තුන­ටියේ අමාරු උගුරේ ආසා­දිත මතුවේ. ඒ අත­රම සොර සතුරු කර­දර තම ධන සම්පත් කෙ‍රේ එල්ල­විය හැකිය. විශේ­ෂ­යෙන් ඔබ ඇසුරු කරන අය­ගෙන් ප්‍රවේ­ශම් විය යුතුයි. කරන කට­යුතු දෙව­තා­වක් සිතා බලා කළ යුතු වෙයි. ආග­මික කට­යුතු කෙරේ යොමු­වන්න.

වෘෂභ ලග්නය හිමි ඔබගේ කේන්ද්‍ර­යට අනුව රාහු ලග්න­ගත වී කේතු 7 වැන්නට පැමි­ණීම මාන­සික අස­හ­නය දලු­ලන අතර එදි­නෙදා කට­යුතු පිළි­වෙ­ළට කර­ගෙන යෑමට නොහැකි වීම නිසා සිත් තැවුල්, තරහ කේන්තිය ඇති වීම යනා­දි­යට හේතුය.

විවා­හ­ස්ථා­න­ගත අස­ම­ගිතා නොස­න්සුන්තා වලට මුහුණ දීමට බොහෝ­විට සිදු­වන නිසා කල්ප­නා­කාරී වන්න. තම එදි­නෙදා කට­යු­තු­ව­ලදී සුප­රි­ක්ෂා­කාරි වන්න. නොඑසේ නම් අත් වැර­දීම් අත­ප­සු­වීම් නිසා පීඩා විඳී­මට සිදු­වනු ඇත. ආද­රය ආලය වැනි කට­යුතු කෙරෙන් සිත් තැවුල් ඇති වනු ඇත.

මිථුන ලග්නය හිමි ඔබගේ කේන්ද්‍ර­යට අනුව රාහු 02 වැන්නට හා කේතු 06 වැන්නට පැමි­ණීම නිසා ඔබට ව්‍යාපාර ලාභ හිමි විය හැකි නමුත් ඒවා ඉතා ක්ෂණ­යෙන් නැති නාස්ති වීමට ඉඩ තිබේ.

තවද යටි බඩ ආශ්‍රිත උව­දුරු මුත්‍රා දෝෂ මුත්‍ර­ගල් හා වකු­ගඩු රෝගය පව­තින අයට එම රෝග උත්සන්න වීම­ටද හේතු වේ. කෙසේ නමුත් ඔබ ප්‍රවේ­ශම් වනවා නම් ඉතා හොඳ සිහි බුද්ධි­යෙන් කට­යුතු කර­නවා නම් ඒවා වළ­කා­ගැ­නී­මට ඔබට හැකි­වනු ඇත. ඔබ පිට­ර­ට­කට යෑමට බලා­පො­රොත්තු වන්නේ නම් ඒ සඳහා සුදුසු පසු­බිම සැකසේ.

කටක ලග්නය හිමි ඔබගේ කේන්ද්‍ර­යට අනුව රාහු 11 වැන්න­ටත් කේතු 05 වැන්න­ටත් පැමි­ණීම ලැබීම් ඇති කරන ව්‍යාපාර ලාභ මතු කෙරෙන පිහි­ටී­මකි. 11 ඒ රාහු උච්ච­වීම ඔබට දණ­හිස ආශ්‍රිත වේදනා කැක්කුම් ඇති කළද ඒ තම කාර්ය බහු­ල­ත්වය නිසා මිස රෝගී තත්ත්ව­යක් මත නොවනු ඇත.

තර­මට සුදුසු ලෙස තම ශ්‍රමය කැප­වීම කළ යුතුය. කුස ආශ්‍රිත යම් ආසා­දිත තත්ත්ව­යක් සැර උෂ්ණ ගති­යක් මතු­විය හැකි නිසා උෂ්ණ ආහාර පානා­දි­යෙන් ප්‍රවේ­ශම් වන්න.උප­රිම වතුර පානය, නිසි වේලා­වට ආහාර ගැනීම සුදුසු වනු ඇත.

සිංහ ලග්න­යට අනුව ඔබගේ කේන්ද්‍රයේ රාහු 10 ටත් කේතු 4 ටත් පැමිණ උච්ච­වීම රැකි­යා­ගත ප්‍රශ්න රැස­කට විස­ඳුම් ලැබේ.

රාහු සුදු­සු තැන 10 වැන්න වන අතර 10 වැන්න රැකියා ස්ථාන­යද වන නිසා එය එසේ වන අතර විය­දම් පැත්ත නම් ඉහළ යනු ඇත. ඔබ ඉතා සුප­රි­ක්ෂා­කාරි විය යුත්තේ සක­සු­රු­වම් බව සමා­නා­ත්ම­තාව පිළි­බ­ඳ­වයි. තවද සැර උෂ්ණ ආහාර රටාව නිසා අගුණ ඇති විය හැකි අතර පපුවේ වියළි බව සෙම විය­ළන බව පෙනෙ­න්නට ඇති නිසා ප්‍රවේ­ශම් වන්න. දණ­හිසේ කැළැල් මතු කෙරෙන උව­දුරු විය හැකි බැවින් ඒ පිළි­බ­ඳව ද සැල­කි­ලි­මත් වන්න.

 

කන්‍ය ලග්න­යට අනුව ඔබගේ කේන්ද්‍රයේ රාහු 09 ට පුණ්‍ය ස්ථාන­ග­තව ද කේතු 03 වැන්න දේපළ පිළි­බඳ නියෝ­ජ­නය වන ස්ථාන ගත­වද පිහිටා ඇති නිසා ජීවි­තයේ තමාට හිමි බොහෝ සම්පත් උරු­මවේ. ඒ සඳහා මෙතෙක් ඔබ ගෙන ආ පුණ්‍ය­ක්‍රියා හේතු­වනු ඇත. විශේ­ෂ­යෙන් විවාහ පාර්ශ්ව­යෙන් හෝ තම මව පියා වැනි වැඩි­හිටි පාර්ශ්­ව­ය­කින් ලැබෙන ඒ වස්තු සම්පත් ඔබට කිසි­යම් අස්වැ­සි­ල්ලක් වනු ඇත.

ආග­මික සහ­ජී­ව­නය සිතට ගෙන කට­යුතු කරන්න. කලක් පැවති නීති ගැට­ලු­වක් විස­ඳෙන ලකුණු පළවේ. ඒ තුළින් ආර්ථික වාසි­යක් ද හිමි­වන බව පෙනෙ­න්නට තිබේ.

තුලා ලග්න­යට අනුව ඔබගේ කේන්ද්‍රයේ රාහු 08ට කේතු 02 ට පැමි­ණීම ශාරී­රික උප­ද්‍රව මෙන්ම මාන­සික අස­හ­න­කාරි තත්ත්ව­ය­කට මුහුණ දීමට සිදු­වන කාල­යකි. එහෙත් අධි­ෂ්ඨා­නය මත එම අසු­බතා සුබ පැත්තට නැඹුරු කරවා ගැනී­මට ඔබට පුළු­වන.

කෙසේ නමුත් තුන­ටියේ අසු­බතා උගුරේ ආසා­දිත තත්ත්ව­යන්ට මුහුණ දීමට ඔබට සිදු­වන නිසා කල්ප­නා­කාරි වන්න.

කොයිදේ කළත් අපි­ළි­වෙළ නිසා තමාට වන ආර්ථික පාඩු නොවැ­ළැ­ක්විය හැකි තත්ත්ව­යක් මතු කෙරෙන නිසා ප්‍රවේ­ශම් වන්න.

වෘශ්චික ලග්නය හිමි ඔබගේ කේන්ද්‍ර­යට අනුව රාහු 07 වැන්නට හා කේතු 01 වැන්නට පැමිණ සිටීම නිසා විවා­හ­ගත යම් යම් මත­භේද ඇති විය හැකි නමුත් කේතු ලග්නයේ නිසා ඒවා බුද්ධි­මත්ව විසඳා ගැනී­මට ඔබට හැකි වේ. ඒ අත­රම අවි­වා­හක අයට විවාහ යෝජනා ද තරුණ තරු­ණින්ට ආද­රය ආලය පිළි­බඳ සහ සම්බ­න්ධතා ද එළ­ඹෙන වක­වා­නු­වකි. තම කට­යුතු කෙරේ අන් අයගේ ඇප උප­කාර ලැබෙන බොහෝ අය ඔබගේ ශක්තිය පිණිස පැමි­ණෙන අධි­ෂ්ඨා­නය සිතට එන වක­වා­නු­වකි.

ධනු ලග්නය හිමි ඔබගේ කේන්ද්‍ර­යට අනුව රාහු 06 ට හා කේතු 12 ට පැමිණ තිබීම විශේ­ෂ­යෙන් විදේ­ශ­ගත අයෙ­කු­ගෙන් ඇප උප­කාර ලැබෙන කාල­යකි. යටි­බඩ ආශ්‍රිත උව­දුරු විශේ­ෂ­යෙන් පාදයේ වළ­ළු­කර ආශ්‍රිත උව­දුරු එළ­ඹී­මට පුළු­වන. තවද මුත්‍ර ආසා­දි­ත­යන් – බඩු පිපුම ආදි රෝග තත්ත්ව­යන් නිසා ප්‍රවේ­ශම් වන්න. තවද ඔබ කිසි­යම් ව්‍යාපා­ර­ය­කට අත­ග­ස­නවා නම් සුදු­සුම කාලය මෙයයි. අන් අය ඔබට ඇප උප­කාර සල­සනු ඇත. එසේම ඔබ කරන ඕනෑම කට­යු­ත්තක් අන් අයගේ පැස­සු­මට හේතු­වනු ඇත. උප­රිම වතුර පානය නිසි වේලා­වට ආහාර ගැනී­මට අම­තක නොක­රන්න.

මකර ලග්නය හිමි ඔබගේ කේන්ද්‍ර­යට අනුව රාහු 05 ට හේතු 11 ට පැමිණ තිබීම නිසා විශේ­ෂ­යෙන් ඔබට හිමි වෙන්නට තිබී ඔබෙන් දුරස්වූ ආර්ථික ලැබී­මක් ඔබට හිමි වෙයි. ජලා­ශ්‍රිත කට­යුතු කෙරෙන් ඔබට වාසි සැලසේ. මේ දින­වල විශේ­ෂ­යෙන් ලොත­රැයි ජය­ග්‍ර­හණ හිමි වනු ඇත.

තරග විභා­ගා­දි­යෙන් විශිෂ්ට ප්‍රති­ඵල අත්වේ. කුස ආශ්‍රිත ආසා­දි­ත­යන් මතු කෙරෙන නිසා ප්‍රවේ­ශම් වන්න. තව ද ඔබ හවුල් ව්‍යාපාර කිරී­මේදී කල්ප­නා­කාරි වන්න. නැත්නම් අන් අයගේ උප­ක්‍රම රැව­ටි­ලි­ව­ලට හසු­වී­මට ඉඩ ඇති නිසාය.

කුම්භ ලග්නය හිමි ඔබගේ කේන්ද්‍ර­යට අනුව රාහු 04 ට කේතු 10 ට පැමිණ ඇති නිසාත් විය­දම් අධික කෙරෙන හදිසි උව­දුරු කර­දර පැමි­ණෙන කාල­යක් නිසාත් ප්‍රවේ­ශම් වන්න.

විශේ­ෂ­යෙන් නහ­ර­ගත රෝග පපු­වට බල­පාන තත්ත්ව­යකි. තෙල් අධික ආහාර ගැනී­මෙන් වළ­කින්න.

දණ­හිස ආශ්‍රි­ත­වද කැලැල් ඇති වීමේ අව­දා­නම පව­තින නිසා ගමන් බිමන් වලදී වාහ­න­ව­ලින් ගමන් කිරී­මේදි ප්‍රවේ­ශම් වන්න. නමුත් කැප­වී­මෙන් කට­යුතු කළොත් ව්‍යාපාර ආයෝ­ජ­න­යක් සඳහා සුදු­සුම කාල­යකි.

මීන ලග්නය හිමි ඔබගේ කේන්ද්‍ර­යට අනුව රාහු 03 වැන්න­ටත් කේතු 09 වැන්න­ටත් පැමිණ සිටීම ඔබ පුණ්‍ය­ව­න්ත­යකු කරන පිහි­ටී­මකි.

දෙමා­පි­යන්ගේ ලැබිය යුතු උරු­ම­ය­කට හිමි­කම් කියයි. නැත­හොත් ඔබගේ සහ­කරු හෝ සහ­කා­රිය වෙතින් ලැබෙ­න්නට තිබෙන උරු­ම­යක් ද විය හැකිය.

එය ඔබගේ පුණ්‍ය­වන්ත භාවය මත සිදු කිරී­මට මෙම රාහු කේතු බල­පෑම ඉව­හල් වන අතර ආර්ථික වාසි මෙන්ම ඔබට කලක් තිස්සේ පැව­තුණා වූ නීති ගැට­ලු­වක් විසඳී යාම තුළ ආර්ථික ලැබී­මක් ද විය හැකියි. කෙසේ නමුත් ඔබ උර­හිස ආශ්‍රිත දණ­හිස ආශ්‍රිත හදිසි ආප­දා­ව­කට ගොදු­රු­විය හැකි නිසා කල්ප­නා­කාරී වන්න.

සිළුමිණ පුවත්පත ඇසුරින් – ප්රවීණ ජෝතීෂ්යවේදී අජිත් ධර්මාසිරි

 

 

 

LEAVE A REPLY

Please enter your comment!
Please enter your name here