හෝටලයක් වෙනුවෙන් අක්කර 30ක විලමුල්ලේ කඩොලාන පරිසර පද්ධතියක් විනාශ කරයි.

0
354

කිසියම් පිරිසක් විසින් තිස්සමහාරාමයේ විලමුල්ල ප්‍රදේශයේ පිහිටි අක්කර 30 ක කඩොලාන පරිසර පද්ධතියක් නීතිවිරෝධී ලෙස විනාශ කර ඇති අතර ඒ පිළිබඳව ප්‍රදේශවාසීන් විසින් කිරින්ද පොලිසියට දැනුම් දී ඇති බව පුවත්පත ‘The Morning‘ වාර්තා කරයි.

කිරින්ද පොලිස් ස්ථානාධිපති M.L.B. රංජිත් මහතා සහ කණ්ඩායමක් එම ස්ථානයට ගොස් ඇති අතර, කඩොලාන පද්ධතිය විනාශ කරමින් සිටි සැකකටයුතු ව්‍යාපාරිකයා අත්අඩංගුවට ගැනීමට හැකි විය. එමෙන්ම, අක්කර 30 කට ආසන්න ප්‍රමාණයක කඩොලාන පරිසර පද්ධතියක් විනාශ කිරීමට භාවිතා කරමින් සිටි ජේසීබී යන්ත්‍රයද අත් අඩංගුවට ගන්නා ලදි.

“අපි එම ස්ථානයට පැමිණෙන විට, ඒ වන විටත් කපා දමා ගොඩ ගසා තිබූ කඩොලාන ගොඩවල් කිහිපයක් නිරීක්ෂණය වුනා. 2004 වසරේ සුනාමියෙන් පසුව, විලමුල්ල වෙරළ තීරය සංරක්ෂණය කිරීම සඳහා කඩොලාන වගා කිරීමේ ව්‍යාපෘතියක් ආරම්භ කළා” යැයි පොලිස් ස්ථානාධිපතිවරයා සඳහන් කර සිටියි.

තවද, කිරින්ද පොලිසිය විසින් කරන ලද පරීක්ෂණ කටයුතු වලදී සැකකටයුතු ව්‍යාපාරිකයා සිය සංචාරක හෝටල් ව්‍යාපෘතිය පුළුල් කිරීම සඳහා එම ප්‍රදේශය එළි පෙහෙළි කරමින් සිටි බව අනාවරණය වී තිබේ.

මෙම ප්‍රදේශය ජෛව විවිධත්වයෙන් පොහොසත් වන අතර විවිධ පක්ෂීන් හා පෘෂ්ඨවංශීන් වාසය කරන සංචාරක ආකර්ෂණයක් දිනා ගත් ප්‍රදේශයකි

මේ අතර, අදාළ බලධාරීන් හෝ පරිසරවේදීන් විසින් අදාල ප්‍රදේශය කෙරෙහි ප්‍රමාණවත් අවධානයක් යොමු නොකිරීම පිළිබඳව ප්‍රදේශවාසීන් කනස්සල්ල පළ කර සිටියි.

NEWSHUB

LEAVE A REPLY

Please enter your comment!
Please enter your name here