උදේ රැස්වීමේදී සිසුවියක ලෙඩ වී බිම වාඩි වේ.කොරෝනා බියෙන් කිසිම ගුරුවරයෙකු ලං නොවේ

0

පාසල් ආරම්භ කිරීමේ රැස්වීමේදී ස්වසන අපහසුතාවක් හේතුවෙන් බිම වැතිරුණු ශිෂ්‍යාවකට කොරෝනා යැයි සැකයෙන් කිසිදු ගුරුවරයෙකු ඇය අසලටවත් ලං නොවීමේ සිදුවීමක් ඇඹිලිපිටිය නගරයේ ප්‍රධාන පාසලකින් වාර්තා වෙයි.

එම විදුහලේ 09 වසරේ සිසුවියක් පාසල් ආරම්භ කිරීමේ රැස්වීමේදී යම්කිසි ශ්වසන අපහසුතාවයකට ලක් වීමෙන් බිම වාඩි වී තිබේ.

නමුත් කොරෝනා යයි සැකයෙන් කිසිදු ගුරුවරයෙකු ඇය අසලටවත් පැමිණ නැත.

ගිලන් රථයක් ඇය රෝහලට ගෙනයාමට පැමිණිය ද ඇය සමග රෝහලට යාමට හෝ කිසිදු ගුරුවරයෙකු ඉදිරිපත් වී නැත.

නමුත් ඇයට ඇඹිලිපිටිය රෝහලේ දී හෙළි වී ඇත්තේ කොරෝනා ආසාදිත නැති බවයි.

දැරියගේ දෙමාපියන් මාධ්‍ය වෙත සඳහන් කර ඇත්තේ ගිලන් රථ සේවය සේවකයන් සහ රෝහල් කාර්ය මණ්ඩල නිසා තම දරුවාගේ ජීවිතය බේරුණු බවයි.

වෙනත් පාසලක මෙවන් තත්ත්වයක් ඇති නොවිය යුතු බවද ඔවුන් කියා සිටියහ.

LEAVE A REPLY

Please enter your comment!
Please enter your name here