කොළඹ අධිකරණ වෛද්‍යවරයෙක් කොවිඩ් පොසිටිව් දේහයකට නෙගටිව් සහතිකයක් දීලා

0

මියගිය කාන්තාවකගේ කරන ලද පී.සී.ආර් පරීක්ෂණයේදී covid 19 ආසාදිත ඇතැයි තහවුරුව තිබියදීත් කොළඹ විශේෂඥ අධිකරණ වෛද්‍යවරයකු විසින් එම මියගිය අය ආසාදිතයකු නොවන මරණයක් ලෙස වෛද්‍ය වාර්තාවේ සඳහන් කිරීමේ දැඩි ආන්දෝලනාත්මක සිද්ධියක් කොළඹ නාගරික හදිසි මරණ පරීක්ෂණ අධිකරණයේදී අනාවරණය විය.

කොල්ලු­පි­ටිය මුහුදු මාවතේ පදිංචි වීර­සාමි පුෂ්ප­රාණි නමැති 65 හැවි­රිදි දෙදරු මව­කගේ මර­ණය සම්බ­න්ධ­යෙන් එම විශේ­ෂඥ අධි­ක­රණ වෛද්‍ය­ව­රයා වෛද්‍ය වාර්තාවේ එලෙස සඳ­හන් කැර ඇත.

ඉහත මිය­ගිය කාන්තා­වගේ ඥාතීහු එකී නිවසේ නිරෝ­ධා­ය­න­යට ලක්ව සිටි­යදී ඉකුත් 24 වන දින ඇයට ඇති වූ අස­නීප තත්ත්ව­යක් නිසා රෝහල කරා රැගෙන එමින් සිටි­යදී මෙසේ මිය­ගොස් තිබේ. කොළඹ නාග­රික හදිසි මරණ පරී­ක්ෂක නීතිඥ ඉරේෂා දේශානි සම­ර­වීර මහ­ත්මි­යගේ නියෝ­ග­ය­කට යටත්ව ‍කොල්ලුපි­ටිය පොලි­සියේ අධී­ක්ෂ­ණය යටතේ එම මිය­ගිය කාන්තා­වගේ PCR පරී­ක්ෂ­ණය පැවැත්වූ අතර, එහිදී ඇයට Covid – 19 posstiv ලෙස වෛද්‍ය වාර්තාවේ සඳ­හන් කර තිබිණ. ඒ අනුව කොළඹ විශේ­ෂඥ අධි­ක­රණ වෛද්‍ය එම්.එන්. රුහුල් හක් මහතා වෙත මිය­ගිය අයගේ මර­ණය සම්බ­න්ධ­යෙන් පශ්චාත් මරණ පරී­ක්ෂණ කට­යුතු සඳහා යොමු කිරී­මට මරණ පරී­ක්ෂ­ක­ව­රිය පිය­වර ගත්තාය.

දේහයේ කිසිදු පශ්චාත් මරණ පරී­ක්ෂ­ණ­යක් සිදු නොකොට Covid – 19 posstiv වී තිබි­ය­දීත් ඇය ආසා­දි­ත­යකු නොවූ මර­ණ­යක් ලෙස සල­කන ලෙසත් මර­ණ­යට ආසන්න හේතුව ඇයගේ ආමාශ පිළිකා සංකූ­ල­තා­ව­යක් බවට ඔහුගේ වෛද්‍ය වාර්තාවේ සඳ­හන් කැර තිබිණි. Covid – 19 posstiv වූ මර­ණ­ය­කදී සෞඛ්‍ය අධ්‍යක්ෂ ජන­රා­ල්ව­ර­යාගේ නීති-රීති රෙගු­ලා­සි­ව­ලට යටත්ව හා අධි­ක­රණ වෛද්‍ය­ව­ර­යාගේ පරී­ක්ෂ­ණ­යට අනු­කූ­ලව එකී දේහය එම ඥාතී­නට ලබා­දී­මට මරණ පරී­ක්ෂක ලෙස කට­යුතු කැර ඇති බවත්, ඒ අනුව එම දේහය කිසිදු මල්ශා­ලා­වක එම්බාම් කිරී­මට ‍හෝ දේහය කිසිදු කැපී­ම­කට ලක් නොකර දේහයේ අව­සන් කට­යුතු ලෙස ආදා­හ­නය කිරී­මට තමා පොලි­සි­යට නියෝග කළ බවත් කොළඹ නාග­රික හදිසි මරණ පරී­ක්ෂක නීතිඥ ඉරේෂා දේශානි සම­ර­වීර මහ­ත්මිය අව­ධා­ර­ණය කළාය.

LEAVE A REPLY

Please enter your comment!
Please enter your name here