සීගි­රිය අභය භූමියේ වන අලි බහු­ලව ගැව­සෙන රක්ෂි­තයේ ඉඩම් අයිති කර ගැනීමේ ජාවා­ර­මක්.

0

සීගි­රිය අභය භූමියේ වන අලි බහු­ලව ගැව­සෙන රජයේ රක්ෂිත භූමි­යක් සංවි­ධා­නා­ත්මක කණ්ඩා­ය­මක් සහ රාජ්‍ය නිල­ධා­රීන්ගේ මැදි­හ­ත්වීම මත අත්පත් කර­ගෙන ගස් සිටු­වීමේ මුවා­වෙන් ඉඩම් අත්පත් කර ගැනීමේ ජාවා­ර­මක් ක්‍රියා­ත්මක වන බවට තොර­තුර හෙළි වී තිබේ.

රාජ්‍ය නිල­ධා­රීන්ගේ මෙන්ම ප්‍රබල දේශ­පා­ල­න­ඥ­යන්ගේ ඉඩම් ජාවා­ර­ම්ක­රු­වන්ගේ තර්ජන හේතු­වෙන් ප්‍රදේ­ශ­වා­සීන් මේ ඉඩම් ජාවා­රම දැක දැඩි නිහ­ඬ­තා­වක් රකින බවත් මේ පිළි­බඳ කිසිදු අය­කුගේ අව­ධා­න­යක් යොමු නොක­රන බවද ප්‍රදේ­ශ­වා­සීහු පව­සති.

පසුව අප ඉතා සූක්ෂ්ම ලෙස රහ­සි­ගත කැමරා උප­යෝගී කර­ගෙන ප්‍රදේ­ශ­වා­සීන් කීප­දෙ­නෙකු සමඟ සීගි­රිය අභ­ය­භු­මියේ පොතාන ප්‍රදේ­ශයේ පිහිටි මේ රජයේ රක්ෂි­ත­යට ඇතුළු වුණෙමු. ප්‍රදේ­ශ­වා­සීන් පව­සන පරිදි මේ රජයේ රක්ෂි­තයේ අයි­තිය වන සංර­ක්ෂණ දෙපා­ර්ත­මේ­න්තු­වට මෙන්ම වන­ජීවී දෙපා­ර්ත­මේ­න්තු­වට පැවරී ඇත.

කාල­යක් තිස්සේ වන අලින්ගේ සහ වන සතුන්ගේ නිජ­භූමි බවට පත්ව ඇති අක්කර හැටක් හැත්තෑ­වක් පමණ වූ විශාල භූමි­යක් මේ සංවි­ධා­නා­ත්මක කණ්ඩා­යම් විසින් අත්පත් කර­ගෙන කැලැව හෙළි කොට මායිම් වෙන් කොට තම තමන් අල්ලා ගත් භුමි­වල ඉතා සූක්ෂම ලෙස පොල්,අඹ,කටු අනෝදා, ඇඹ­රැල්ලා පැළ සිටුවා තිබෙනු දැක ගැනී­මට හැකි විය.

මේ අඹ සහ පොල් පැළ සිටුවා ඇත්තේ ද නියම ප්‍රමි­ති­ය­කින් නොවන බව එහි සිදු­කළ විම­ර්ශ­න­යේදී අපට හෙළි වූයේ එක උදළු තල­යක් හාරා ඉඩම් අත්පත් කර ගැනී­මට පම­ණක් මේවා පෙනු­මට සිටුවා ඇති බව අනා­ව­ර­ණය විය.

සීගි­රිය පොතාන වසම භාර ග්‍රාම නිල­ධා­රී­ව­රයා වන සංර­ක්ෂණ නිල­ධා­රීන් ඇතුළු ප්‍රදේ­ශයේ දේශ­පා­ලන අධි­කා­රියේ ද සහාය ඇතිව මේ වන විනා­ශය සිදු කර­මින් පව­තින බව ප්‍රදේ­ශ­වා­සීහු පෙන්වා දුන්හ.

සීගිරි ගල පෙනෙන මායිමේ වන සතුන්ගේ භූමි මෙසේ අත්පත් කර­ගන්නා බවත් පසුව සංචා­රක හෝටල් සඳහා මේ ඉඩම් විකි­ණීම ජාවා­ර­ම්ක­රු­වන්ගේ ඒකා­යන ක්‍රම­වේ­දය බව ප්‍රදේ­ශ­වා­සීහු පෙන්වා දෙන ගම්මු කියා සිටියේ මේ නිසා වන අලින් ගම්ව­දින බවයි .

මේ ඉඩම් අත්පත් කර ගැනීම පිටු­පස දඹුල්ල ප්‍රාදේ­ශීය ලේකම් කොට්ඨා­ස­යට අයත් සීගි­රිය පොතාන ග්‍රාම නිල­ධාරී වසමේ ග්‍රාම නිල­ධා­රි­ව­රයා සිටින බව ප්‍රදේ­ශ­වා­සීන් පැවසූ නිසාම අප ග්‍රාම නිල­ධාරී කාර්යා­ල­යට ගොස් ඒ මහතා හමු වී ප්‍රශ්න කළෙමු.

අප එම ස්ථාන­යට යන විටත් ග්‍රාම නිල­ධා­රි­ව­රයා කාර්යා­ලයේ සිටි අතර ඔහු­ගෙන් ප්‍රශ්න කිරී­මට උත්සාහ කරද්දී ඔහුගේ පිළි­තුර වූයේ කැමරා නිවා­ගන්නා ලෙසයි. අප පෙරළා ඔහු­ගෙන් ප්‍රශ්න කිරී­මේදී ග්‍රාම නිල­ධා­රීයා කියා සිටියේ තමන් එව­න්නක් ගැන නොදන්නා බවත් එහි අවශ්‍ය කරු­ණක් වෙතොත් දඹුල්ල ප්‍රාදේ­ශීය ලේක­ම්ව­ර­යාව දැනු­වත් කොට ඇති බවයි.

සීගි­රිය අභය භූමි­යක් නිසාම වන­ජීවී දෙපා­ර්ත­මේ­න්තු­වට ද මෙහි අයි­ති­යක් ඇති නිසා අප සීගි­රිය වන­ජීවී කාර්යා­ල­යට ගොස් විම­සු­වෙමු. එහි ප්‍රධා­නියා නොසිටි අතර වන­ජීවී නියා­ම­ක­ව­ර­යකු කියා සිටියේ දැනට ඉඩම් ජාවා­රම වන ප්‍රදේ­ශය තම භූමි­යෙන් පිටත වන සංර­ක්ෂණ දෙපා­ර්ත­මේ­න්තු­වට අයත් ප්‍රදේ­ශ­යක් බවයි.තම ප්‍රදේ­ශ­වල අන­ව­සර ඉදි­කි­රීම් සහ අත්පත් කර ගැනීම සියලු දෙනාට වන­ජීවී දෙපා­ර්ත­මේ­න්තුව මගින් නීතිය ක්‍රියා­ත්මක කොට ඇති බව එම නිල­ධා­රියා පැව­සීය.

LEAVE A REPLY

Please enter your comment!
Please enter your name here