අවුරුදු 23ක කොල්ලෙක් කාශ්‍යප හිමිගේ ඇක්සියෝ කාර් එක හොරකම් කරන් ගිහින් (VIDEO)

0

රාත්‍රී 7.15ට පමණ තලවතුගොඩ ලංකා බැංකුව අසල නවතා තිබූ උඩුදුම්බර කාශ්‍යප හිමියන්ගේ මෝටර් රථය සොරා ගෙන තිබු අතර සොරකම සිදුව පැය භාගයක් ඉක්ම යාමට මත්තෙන් එම වාහනය සහ සැකකරු අත්අඩංගුවට ගැනීමට තලංගම පොලිසිය සමත් විය.

කලල්ගොඩ ග්‍රාමෝදය මාවතේදී එම මෝටර් රථය සොයා ගත්තේ එම වාහනයට සවි කර තිබු GPS තාක්ෂනය ඔස්සේ සිදු කල ලුහු බැදීමකින් අනතුරුවය.

වාහනය පොලිස් භාරයට ගන්නා විට අංක තහඩුව ගලවා තිබු අතර GPS පද්ධතිය ගැලවීම සඳහා වාහනයේ තවත් කොටසක් ගලවමින් සිට ඇතැයි ද පොලිසිය වැඩිදුරටත් සඳහන් කළේය.

පොලිසිය අවධාරණය කළේ සොරා ගත් මෝටර් රථයේ වටිනාකම රුපියල් ලක්ෂ 70ක් පමණ වන බවයි.

මෝටර් රථය සොරා ගත් සැකකරු කලල්ගොඩ විද්‍යාල හන්දිය ප්‍රදේශයේ පදිංචි 23 හැවිරිදි තරුණයෙක් බවද පොලිසිය සඳහන් කළේය.

උඩුදුම්බර කාශ්‍යප හිමියන් ඉකුත් යහපාලන ආණ්ඩුව සමයේ එම්.සී.සී. ගිවිසුමට එරෙහිව නිදහස් චතුරශ්‍රයේ මාරාන්තික උපවාසයක්ද ආරම්භ කිරීමට පියවර ගත්තේය.

LEAVE A REPLY

Please enter your comment!
Please enter your name here