ජනපතිගේ උපරිමාධිකරණ විනිසුරු නම්වලට නීතිපතිගේ විරෝධය

0

දැනට යෝජනා වී ඇති ශ්‍රේෂ්ඨාධිකරණ විනිසුරුවන් සහ අභියාචනාධිකරණ විනිසුරුවන්ගේ සංඛ්‍යාව ඉහළ නැංවීමේදී ජනාධිපතිවරයා විසින් නීතිපති දෙපාර්තමේන්තුවේ සිටින ජ්‍යෙෂ්ඨ නියෝජිතයන් සම්බන්ධයෙන් කිසිදු අවධානයක් යොමු කොට නොතිබීම සම්බන්ධයෙන් නීතිපති දප්පුල ද ලිවේරා මහතා විසින් සිය විරෝධය පළ කොට තිබේ.

ශ්‍රේෂ්ඨාධිකරණ විනිසුරුවන් ප්‍රමාණය 11 සිට 17 දක්වා ඉහළ නැංවීමටත්, අභියාචනාධිකරණ විනිසුරුවන් ප්‍රමාණය 12 සිට 20 දක්වා ඉහළ නැංවීමට නියමිත අතර දැනටමත් ජනාධිපතිවරයා විසින් එම නම් සියල්ල පාර්ලිමේන්තු සභාව වෙත යැවීමට කටයුතු කොට තිබේ.

ඒ සදහා බොහෝ දුරට ලබන අගහරුවාදා පැවැත්වීමට නියමිත පාර්ලිමේන්තු සභා රැස්වීමේදී අනුමැතිය හිමිවීමට නියමිත බව වාර්තා වේ.

කෙසේවෙතත් නීතිපතිවරයා විසින් අදාළ තනතුරු සදහා ජ්‍යෙෂ්ඨත්වයෙන් ඉහළීන්ම සිටින නීතිපති දෙපාර්තමේන්තුවේ ඉහළ නිලධාරීන්ගේ නම් ජනාධිපතිවරයා වෙත යොමු කර ඇති අතර ඒ සදහා අවධානය යොමු කරන ලෙස ඉල්ලීමක්ද කර තිබේ.

එමෙන්ම නීතිපති දප්පුල ද ලිවේරා මහතා විසින් අගමැතිවරයා වෙතද මේ සම්බන්ධයෙන් දැනුම් දීමක් කොට ඇති අතර පාර්ලිමේන්තු සභා‌වේදී ඒ පිළිබද අවධානය යොමු කරන ලෙසද ඉල්ලීමක් කොට ඇති බව වාර්තා වේ.

(MAWRATANEWS )

LEAVE A REPLY

Please enter your comment!
Please enter your name here