ජොනීගෙන් විගීට අවවාදයක්.

0

මහාමාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් පසිගිය දා යාපනය දිස්ත්‍රික් ලේකම් කාර්යාලයේදී පැවති ග්‍රාමීය යටිතල පහසුකම් කමිටුවේදී පාර්ලිමේන්තු මංත්‍රී සී වී විග්නේෂ්වරන් මහතා සමඟ ඇතිවූ සංවාදයක් සම්බන්ධයෙන් අමාත්‍ය ජොන්ස්ටන් ප්‍රනාන්දු මහතා විසින් විග්නේෂ්වරන් මංත්‍රීවරයාට අවවාදයක් ලබා දී තිබේ.එම ලිපිය පහතින්,

ජොන්ස්ටන්ගෙන් විග්නේශ්වරන්ට අවවාදයක් – මෙය ජනතාවගේ සංවර්ධනය පිළිබද කමිටුවක් මිසක් පාර්ලිමේන්තුව නොවේ. ඔබතුමන්ලා හිටපු පසුගිය යහපාලන රජය තමයි පළාත් සභා ඡන්දය නොතියන්න කටයුතු කලේ….

ග්‍රාමීය ආර්ථිකය නගා සිටුවීමේ ජාතික වැඩ සටහනට සමගාමීව යාපනය දිස්ත්‍රික් ග්‍රාමීය යටිතල පහසුකම් කමිටුව ආණ්ඩු පක්ෂයේ ප්‍රධාන සංවිධායක හා මහාමාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධාත්වයෙන් යාපනය දිස්ත්‍රික් ලේකම් කාර්යාලයේදී පැවැත්විණි.

මෙහිදී රැස්වීම ආරම්භයේදීම පාර්ලිමේන්තු මන්ත්‍රි සි.වි.විග්නේශ්වරම් මහතා පැවසූවේ පළාත් සභා ඡන්දය නොතියා රජය මැදිහත් වී උතුරේ සම්පූර්න බලය තහවුරු කිරිමට මේ කමිටුව පවත්වන්නේ දැයි ඇසීය. සංවර්ධන කටයුතු පළාත් සභා හා පළාත් පාලන ආයතන වලට නොදීම ගැටළුවක් බවත් මෙහිදී විග්නේශ්වරන් මහතා පැවසීය. ඔබලා මේ කරන්නේ මධ්‍යම ආණ්ඩුවට බලය ගැනීමට යැයිද පැවසීය.

මෙහිදී ආණ්ඩු පක්ෂයේ ප්‍රධාන සංවිධායක හා මහාමාර්ග අමාත්‍ය ජොන්ස්ටන් ප්‍රනාන්දු මහතා ඊට පිළිතුරු ලබා දෙමින් පැවසූවේ මෙම රැස්වීම් මාලාවේ ප්‍රධාන අරමුණ වන්නේ ජනතාවගේ සංවර්ධනය බවයි. සංවර්ධන කටයුතු වලට බාධා කිරිම නුවණට හුරු දෙයක් නොවන බවත් මෙම රැස්වීම පවත්වන්නේ සංවර්ධනය පිළිබදව පමණක් බවත් මේ සදහා දේශපාලනය ගාව නොගන්නා ලෙසත් අමාත්‍යවරයා මෙහිදී පැවසීය.

මෙහිදී වැඩිදුරටත් අදහස් දැක්වූ අමාත්‍ය ජොන්ස්ටන් ප්‍රනාන්දු මහතා පැවසූවේ සංවර්ධනය යනු ජනතාවට පොදු දෙයක් බවයි. සංවර්ධනය සමානව බෙදී යාමෙන් ඇති නැති පරතරය අවම වන බවත් අමාත්‍යවරයා පැවසීය. සංවර්ධන කටයුතු වලින් බලාපොරොත්තු වෙන්නේ ජනතා සුබසිද්ධිය මිසක් දේශපාලනය නොවන බවත් මෙම සංවර්ධන කමිටු රැස්වීම් පාර්ලිමේන්තුව කර නොගන්නා ලෙසත් අවධාරණය කලේය. අනෙක පළාත් සභා මැතිවරණය නොපැවැත්වූයේ ඔබතුමන්ලා හිටපු යහපාලන ආණ්ඩුව නේදැයි අමාත්‍යවරයා වැඩිදුරටත් පැවසීය.

මහින්ද රාජපක්ෂ මැතිතුමාගේ ආණ්ඩුව 2010 රජය කාලේ ඔය සියළු කාරනා යාපනයට ඉටු කලා. පාරවල් හැදුවා. පාසල් හැදුවා. විදුලිය ලබා දුන්නා. කෝච්චි පාර හදලා දුන්නා. කඳවුරුවල හිටපු ජනතාව නිවෙස්වල පදිංචි කලා. කරන්න පුළුවන් හැම දෙයක්ම කලා. නමුත් ඔබතුමාන්ලා අමාත්‍යධූරය දැරූ ආණ්ඩුවෙන් කිසිදු දෙයක් යාපනේ ජනතාවට ඉටු කරලා නෑ. ඒ නිසා ජනතාවට අපි ගැන විශ්වාස ඇති.අපි මේ වසර පහේදී තවදුරටත් සංවර්ධන කටයුතු කරනවා යැයිද දැඩි ලෙස ප්‍රකාශ කලේය.

 

මාධ්‍ය ඒකකය
මහාමාර්ග අමාත්‍යාංශය

LEAVE A REPLY

Please enter your comment!
Please enter your name here