සීනි ගනුදෙනුවෙන් කැබිනට් මණ්ඩලය උණුසුම්..ජනපතිගෙන් බන්දුලට බැනුම්.

0

ලංකාවට සීනි ගෙන්වන මහාපරිමාණ ව්‍යාපාරිකයකු මුල්කරගෙන කැබිනට් මණ්ඩල රැස්වීම තුළ උණුසුම් කතාබහක් සිදුව ඇති බව විශ්වාසකටයුතු ආරංචිමාර්ග අනාවරණය කරයි.

මෙහිදී වෙළෙද අමාත්‍ය බන්දුල ගුණවර්ධන මහතා අදාළ සීනි ව්‍යාපාරිකයා සම්බන්ධයෙන් විමසද්දී ජනාධිපතිවරයා සදහන් කොට ඇත්තේ තමන් දන්නා පරිදි අදාළ ව්‍යාපාරිකයා නිවැරදි අයුරින් රජයට බදු ගෙවා සීනි ආනයනය කර විශාල වශයෙන් තොග පවත්වාගෙන යන බවත්, තමන් එහි කිසිදු වැරැද්දක් නොදකින බවත්ය.

මේ සම්බන්ධයෙන් සීනි ආනයනය කරන අනෙකුත් ව්‍යාපාරිකයන් පිරිසක් පසුගිය සතියේ ජනාධිපති ලේකම් ආචාර්ය පී.බී. ජයසුන්දර මහතා මුණගැසී සාකච්ජා පවත්වා ඇති අතර එහිදී ජයසුන්දර මහතාද ඔවුන්ට පෙන්වා දී ඇත්තේ අදාළ ව්‍යාපාරිකයා නිවැරදි අයුරින් බදු ගෙවා සීනි ලංකාවට ආනයනය කිරීමට පියවර ගෙන ඇති බවකි.

හැකි නම් ඔවුන්ටද එසේ බදු ගෙවා සීනි ආනයනය කොට ගබඩා කර තබා ගත හැකි බවද ජයසුන්දර මහතා මෙම ව්‍යාපාරිකයන්ට පෙන්වා දී ඇත.

කෙසේවෙතත් පසුගියදා පාර්ලිමේන්තු රැස්වීමේදී සමගි ජන බලවේගයේ පාර්ලිමේන්තු මන්ත්‍රී හරීන් ප්‍රනාන්දු මහතා චෝදනා එල්ල කරමින් කියා සිටියේ ආණ්ඩුව ගජමිතුරන්ට සීනි ආනයනය කිරීමට ඉඩ දී ඇති බවත්, විශාල සීනි වංචාවක් සිදුව ඇති බවත්ය.

( MAWRATANEWS )

LEAVE A REPLY

Please enter your comment!
Please enter your name here